உறவு

இடைவெளி விட்டு சுழலுது சக்கரம்

இனிதே கிடைப்பது ஒரே பயணம்

இடைவெளி விட்டு இருப்பது கண்கள்

இரண்டும் தருவது ஒரே பார்வை

இடைவெளி விட்டு அமையுது துளைகள்

இவையோ வழங்குது ஒரே இசை

இடைவெளி விட்டு வளருது மரங்கள்

இலட்சியம் என்னவோ ஒரே வனம்

இடைவெளி விட்டு நிற்குது தூண்கள்

இடையில் இருப்பது ஒரே கூரை

இடைவெளி விட்டு வாழ்வது மனங்கள்

இயல்பாய் வளருது ஒரே உறவு

(24.05.2025)

மெல்பர்ன்